Image default
Urdu News پاکستان

کورونا لاک ڈاؤن کی وجہ سے پاکستان میں پھنسے 748 بھارتی شہریوں کی واپسی شروع

کورونا لاک ڈاؤن کی وجہ سے پاکستان میں پھنسے 748 بھارتی شہریوں کی واپسی شروع
کورونا لاک ڈاؤن کی وجہ سے پاکستان میں مقیم 250 بھارتی شہریوں کا پہلا گروپ آج 25 جون کو واہگہ بارڈر کے راستے واپس انڈیا لوٹ گیا ہے، جبکہ 250 بھارتی شہریوں کا دوسرا گروپ 26 جون اور تیسرا گروپ 27 جون کو واپس جائے گا۔ بھارتی شہری اپنے رشتہ داروں سے ملاقات اور مذہبی رسومات کی ادائیگی کے لئے پاکستان آئے تھے تاہم لاک ڈاؤن اور پاک بھارت سرحد بند ہونے کی وجہ سے ان کی واپسی نہیں ہوسکی تھی۔

پاکستان میں مقیم 748 افراد میں سے 402 کا تعلق مقبوضہ جموں وکشمیرسے ہے اوریہ زیادہ ترطلبا وطالبات ہیں جو پاکستان میں میڈیکل کی تعلیم حاصل کررہے ہیں، جمعرات کے روزواپس جانے والوں میں زیادہ ترکشمیری شہری ہیں، جبکہ دیگرہندوستانیوں کی بات کی جائے توان میں سے 70 کا تعلق گجرات، 61 مہاراشٹرا، 46 اترپردیش، 38 راجستھان، 36 پنجاب، 26 دہلی، مدھیہ پردیش سے 15 ہریانہ سے 14، تلنگا سے 11، کرناٹکا اورچندی گڑھ سے 6،6 چھتیش گڑھ سے 5، تامل ناڈو سے چار،ویسٹ بنگال سے 3، اتراکھنڈ سے 2، ہماچل سے 2 اورایک شہری کا تعلق بہار سے ہے۔

لاہورمیں مقیم ایک بھارتی فیملی کے رکن سردارستبیرسنگھ نے ایکسپریس سے بات کرتے ہوئے بتایا کہ وہ بہت خوش ہیں تین ماہ بعد واپس اپنے گھر جارہے ہیں۔ سردار ستبیر سنگھ نے بتایا کہ ان کا تعلق امرتسر ہے وہ مارچ میں اپنے رشتہ داروں کے ہاں شادی کی تقریب میں شرکت کے لیے پاکستان آئے تھے لیکن واپسی سے قبل ہی لاک ڈاؤن کردیا گیا۔ انہوں نے بتایا کہ ان کی واپسی 27 جون کو ہوگی، انہوں نے اپنے بچوں اور خاندان کے لئے پاکستانی کپڑے اور جوتے خریدے ہیں۔

Related posts

پنجاب پولیس میں 10ہزار کانسٹیبل بھرتی کرنے کی منظوری

Talon News

عریاں تصاویر سوشل میڈیا پر جاری،،، خاتون اینکر پرسن کی درخواست پر اینکر گرفتار

Talon News

شب معراج آج رات منائی جائے گی، مساجد میں اجتماعات نہیں ہونگے

Talon News

Leave a Comment